domingo, octubre 05, 2008

Edurne Pasabán e o seu undecimo "oitomil"


A alpinista de Tolosa segue con éxito o seu camiño cara a conseguir conquistar os 14 oitomiles despois de coroar onte o cumio do Manaslu de 8156 m. no Nepal. Deste xeito Edurne continúa na loita para ser a primeira muller do mundo que faga a fazaña en dura loita contra a súa amiga austriaca Gerlinde e a italiana Nives Meroi.
Edurne Pasaban é un exemplo de montañeira valiente coa cabeza ben amueblada, enxeñeira industrial, Master MBA, dirixe unha casa de turismo rural e imparte conferencias para o ESADE, ademais de conseguir o reto da "cuasi" profesionalización no mundo do alpinismo. A día de hoxe por exemplo ,Edurne é das poucas mulleres con vida que subiron o K2 naquela xa mítica ascensión xunto a Juanito Oyarzabal, daquela a vasca perdeu as falanxes de dous dedos dos seus pes.
Tras este oitomil quédanlle algúns dificiles como o Annapurna onde o ano pasado non chegou ata a cima e logo dixo "Tenía que haberle echado más cojones y tirado para arriba" proba dun carácter de montañeira forte como é habitual nos grandes escaladores como Messner.
Noraboa a Edurne polo seu impetu, deixovos un video no que relata como foi o trekking de aproximación ao Manaslu, un paseo por terras nepalíes onde veredes espectaculares imaxes dos fermosos vales do Himalaya, un soño para todos aqueles que amamos pasear polas montañas.




No hay comentarios: