martes, mayo 06, 2008

En bicicleta por Bilbo e a clásica ata Getxo






Unha boa forma de pasear e coñecer Bilbao e facerse cunha bicicleta e percorrer a cidade aproveitando as zonas peatonais e os carrís bicis existentes, toda a zona do Guggenheim , o casco vello, e varias arterias da cidade pódense visitar deste xeito.

Para o aluguer fumos a Alquimoto , detras do Ayuntamiento, tenda que como o seu nome indica tamén ten servizo de motos. Alí por 11 € podes alugar unha bici correcta durante 24 h.

Nos comezamos o percorrido pola zona do Casco Vello e tomamos algún pincho na Plaza Nueva, despois dunha voltiña e tras unha "brillante decisión" do amigo Pallarés respaldada pola esaxeración vital dos bilbaínos collimos camiño cara o río para dirixirnos ata Getxo (total era media hora). Para facer o percorrido cóllese un carril bici que baixa polo río no que se vai vendo o fenomenal edificio de Gehry nunha ruta chan doada de facer. Logo ch egase a un punto que para seguir ata Getxo hai que coller a estrada e seguir durante 14Km máis para chegar a Algorta que era o noso destiño onde un fermoso Besugo nos esperaba.

Pero se ademais de pensar que so tes que pedalear media hora (e non 80 minutos), se pensas que hai 10 Km , non 20 con autovía incluída, se aínda por riba fas 5 máis por non coñecer o camiño, hai moitas probabilidades de que o besugo se canse na espera e de desexarlle a morte a algún amigo inxenioso e aos de "BILBAO" pues.

Non quero dicir con esto que o plan non sexa bo, pero Bilbao ten un estupendo Metro para estes traxectos no que se pode meter a bici e aforrar sobreesforzos. Así o fixemos nunha placenteira volta onde puidemos ver os elegantes e fantásticos palacios de Neguri, pasear pola Marina de Getxo e fotografiarnos ante a ponte colgante que une con Portugalete antes de coller ese tren de volta que aforra tempo e permite optimizar a visita.

A pesares de todo foi unha boa idea que como vemos pode ser mellorada

2 comentarios:

Anónimo dijo...

Bueno, bueno, cuando zampabas el besugo que no quedaron ni las raspas ya no te quejabas....menudo Miguelón tenemos en Lalín, cómo pedaleabas, Nicolas, como pedaleabas.
Uma aperta,
Pallarés

o pai de batman e spiderman dijo...

Un espectáculo verlos entrar en el restaurante ...Niko era la congestión hecha persona.
El más entero el Potro, a pesar de la falta de confianza que Luz tenía al respecto.