miércoles, julio 04, 2007

Ventresca de Bonito da Costeira con cítricos e endivias recheas


Aquí tedes un prato de tempada, esta é a época da costeira do bonito. Aproveitei a parte máis apreciada deste gran peixe que parece carne para facer un prato sabroso e refinado, o probalo dinme conta que foi un dos mellores que levo feito para o blog, pero para facelo precisa de certas recomendacións.

Os lombos e a ventresca do Bonito non deben cociñarse moito porque secan polo que eu recomendo sempre douralos por fora para que non perdan o xugo e despois cocelos pouco e a temperaturas baixas. Ten que quedar entre vermello e rosa no interior.

Cando se douran as ventrescas na prancha hai que tratalas con coidado porque se poden desfacer. O bonito debe levar un acompañamento suave, o forte xa é el.

Se non venden na pescadeiría as ventrescas soas sempre paga a pena comprar un Bonito enteiro, pódese aproveitar moito: cociñar conserva, etc. Este que merquei eu era pequeno (3 Kg) e costou aproximadamente 20 E. Dicirlles sempre que vos separen as ventrescas.

O prato é sinxelo e o de combinalo con cítricos veume inspirado por un Atún que comín no gran restaurante NoDo de Madrid hai pouco máis de un ano.

ATENCIÓN Ó TEMA DO VIDEO